“Toza qo‘llar” dasturi ijrosi o‘rganildi
Oliy ta’lim, fan va innovatsiyalar vazirining 2025-yil 22-sentabrdagi 370-sonli “Ta’lim muassasalarida tashkil etilgan ‘Toza qo‘llar’ dasturi ijrosini o‘rganish to‘g‘risida”gi buyrug‘i ijrosini ta’minlash maqsadida ishchi guruh Termiz davlat pedagogika institutida bo‘ldi.
Ishchi guruh a’zolari tomonidan institutda “Toza qo‘llar” dasturi doirasida olib borilayotgan ishlar o‘rganildi. Jumladan, talabalar turar joylari, ularning sanitariya-gigiyenik holati, sanitariya shoxobchalari, oshxona va umumiy ovqatlanish joylarining me’yorlarga muvofiqligi atroflicha ko‘zdan kechirildi.
Shuningdek, talabalar uchun sog‘lom va xavfsiz muhit yaratish, tozalik madaniyatini shakllantirish hamda gigiyena qoidalariga rioya etilishini nazorat qilish borasida amalga oshirilayotgan ishlar yuzasidan tegishli tavsiyalar berildi.