1-oktabr – O‘qituvchi va murabbiylar kuni munosabati bilan Tabiiy va aniq fanlar fakultetida bayram tadbiri tantanali ruhda bo‘lib o‘tdi.
Ustoz va murabbiylarga bo‘lgan yuksak hurmat, ularning tinimsiz mehnati va fidoyiligini qadrlash maqsadida tashkil etilgan ushbu tadbirda fakultet rahbariyati, professor-o‘qituvchilar hamda talabalar ishtirok etdilar.
Tadbirda:
Fakultet dekani va professor-o‘qituvchilar so‘zga chiqib, ustozlik kasbining sharafli jihatlari haqida iliq fikrlar bildirdilar.
Ustozlarga bag‘ishlangan she’rlar, kuy-qo‘shiqlar, teatrlashtirilgan sahna ko‘rinishlari ijro etildi.
Talabalar o‘z ustozlariga samimiy tilaklar bildirgan holda, ularning sabr-toqati va mehribonligini e’tirof etdilar.
Tadbir davomida ustozlarga bayram sovg‘alari topshirildi, ko‘tarinki ruh va samimiylik hukm surdi. Bayramona shukuhda o‘tgan mazkur uchrashuv barchaga unutilmas taassurotlar ulashdi.