Termiz davlat pedagogika institutida yangi talabalar turar joyi foydalanishga topshirildi
Bugun Termiz davlat pedagogika institutida talabalar uchun barcha qulayliklarga ega bo‘lgan yangi talabalar turar joyining ochilish marosimi bo‘lib o‘tdi. Tadbirda so‘zga chiqqanlar yig‘ilganlarni 1-oktyabr – “O‘qituvchi va murabbiylar kuni” bilan tabrikladi.
Mazkur turar joy davlat-xususiy sherikchilik asosida barpo etilgan bo‘lib, zamonaviy talablarga to‘liq javob beradi. 5 qavatli, 400 o‘rinli yotoqxonada talabalarning samarali taʼlim olishi va mazmunli hordiq chiqarishi uchun barcha sharoitlar yaratilgan.
Yangi turar joy talabalarga nafaqat yashash uchun qulay sharoit, balki o‘z ustida ishlash, ilmiy, ijodiy va maʼnaviy jihatdan kamol topish imkoniyatlarini ham taqdim etadi.