Termiz davlat pedagogika institutida “Xavfsiz kibermakon” va “Xavfsiz talaba” oyligi doirasida targ‘ibot ishlari
Termiz davlat pedagogika instituti Tabiiy va aniq fanlar fakultetida talaba-yoshlar o‘rtasida jinoyatchilik va huquqbuzarliklarning oldini olish, ularning huquqiy savodxonligini oshirish hamda internetdan to‘g‘ri foydalanish madaniyatini shakllantirish maqsadida 2025-yil 15-sentyabrdan 15-oktabrgacha mamlakatimiz oliy ta’lim muassasalarida o‘tkazilayotgan “Xavfsiz kibermakon” va “Xavfsiz talaba” oyligi doirasida keng qamrovli targ‘ibot-tashviqot tadbirlari olib borilmoqda.
Tadbirlar davomida:
Talaba-yoshlar bilan profilaktik suhbatlar tashkil etilib, huquqbuzarlik va jinoyatchilikning salbiy oqibatlari haqida atroflicha tushuntirishlar berildi;
Internet va ijtimoiy tarmoqlardan to‘g‘ri foydalanish, kibermakon xavfsizligi qoidalariga rioya qilish bo‘yicha tavsiyalar berildi.
Shu bilan birga, ko‘rgazmali bukletlar tarqatilib, talabalar o‘rtasida huquqiy bilimlarni oshirish, ularning mas’uliyatli va ongli fuqarolik pozitsiyasini shakllantirishga qaratilgan umumiy profilaktik ishlar amalga oshirildi.