“Xon atlas” – milliyligimiz ramzi
Termiz davlat pedagogika institutida institut Xotin-qizlar maslahatchisi Saida Tursunova tashabbusi bilan talaba-qizlar ishtirokida “Xon atlas” oyligi doirasida “Milliy qadriyat timsoli – Xon atlas” nomli ma’naviy-ma’rifiy tadbir o‘tkazildi.
Tadbir davomida milliyligimiz ramzi hisoblangan xon atlas, shuningdek adras, shoyi kabi betakror milliy matolar hamda milliy do‘ppilar keng targ‘ib qilindi. Talaba-qizlarimiz o‘zbekona nafislik timsoli bo‘lgan milliy liboslarda ishtirok etib, milliy matolarimizning jozibasi, ularning tarixiy ahamiyati va badiiy qadr-qimmati haqida qiziqarli ma’lumotlarga ega bo‘ldilar.
Tadbirda milliy liboslarning nafaqat tashqi go‘zallik, balki xalqimizning o‘ziga xos turmush tarzi, dunyoqarashi va ma’naviy qadriyatlarini mujassam etuvchi ulkan boylik ekanligi alohida ta’kidlandi.
Shuningdek, talaba-qizlar tomonidan milliy lapar va qo‘shiqlar ijro etildi, bu esa tadbirga yanada bayramona ruh bag‘ishladi.