San’at, ijod va ma’rifat uyg‘unligi — talabalarning bo‘sh vaqtini mazmunli tashkil etuvchi tadbir
Termiz davlat pedagogika instituti Jismoniy madaniyat va san’at fakultetida talaba-yoshlarning bo‘sh vaqtlarini mazmunli o‘tkazish, ularni ma’naviy-ma’rifiy jihatdan qo‘llab-quvvatlash va ijodiy salohiyatini yuzaga chiqarish maqsadida navbatdagi ma’naviy-ma’rifiy tadbir o‘tkazildi.
Mazkur tadbir san’at va rassomchilik yo‘nalishida ta’lim olayotgan iqtidorli talabalar o‘z ijodiy ishlari va sahna chiqishlari bilan ishtirok etdilar.
Dastur doirasida:
talabalar rangtasvir va grafika yo‘nalishidagi rassomchilik asarlarini namoyish etdilar;
kuy-qo‘shiqlar, cholg‘u ijrolari va badiiy chiqishlar orqali o‘z san’atga bo‘lgan qiziqish va mahoratlarini ko‘rsatdilar.
Tadbir jarayonida yoshlarga san’atning inson ma’naviy dunyosini boyitishdagi o‘rni, estetik tarbiya va ijodiy tafakkurni shakllantirishdagi ahamiyati, shuningdek, milliy hamda jahon san’ati namunalari orqali barkamol shaxs tarbiyasiga erishish masalalari yuzasidan atroflicha ma’lumotlar berildi.
Ochiq muloqot ruhida o‘tgan mazkur tadbir talabalarda do‘stlik, hamkorlik va jamoaviylik fazilatlarini yanada mustahkamladi.