Yoshlar Texnoparkida “Demo Day” bo‘lib o‘tdi!
Joriy yilning 19-sentabr kuni Yoshlar Texnoparkida yoshlarning innovatsion g‘oyalari va startap loyihalariga bag‘ishlangan “Demo Day”tadbiri bo‘lib o‘tdi.
35 nafar iqtidorli yoshlar o‘z loyihalari bilan ishtirok etdi. Har bir loyiha mehnat, ijod va intiluvchanlik mahsuli bo‘lib, amaliyotga yo‘naltirilgan yechimlar bilan ajralib turdi.
Mutaxassislar va soha vakillari loyihalarni baholab, eng istiqbolli startaplarni aniqladilar.
Eng quvonarlisi, Termiz davlat pedagogika instituti talabasi To‘xtamurodova Feruza mazkur tadbirda ishtirok etib, faxrli 2-o‘rinni egalladi! Bu nafaqat Feruza, balki butun institutimiz uchun katta yutuqdir.
Qolgan talabalar ham faol qatnashib, o‘z loyihalari bilan e’tirofga sazovor bo‘lishdi.
Tadbir so’ngida barcha qatnashuvchilar tashakkurnomalar va esdalik sovg’alari bilan taqdirlandi.