Zakovatda kuch

Termiz davlat pedagogika instituti talabalarning intellektual salohiyatini oshirish, mantiqiy tafakkurini rivojlantirish hamda bo‘sh vaqtlarini mazmunli tashkil etish maqsadida 1-kurs talabalari o‘rtasida “Zakovat” intellektual o‘yini tashkil etildi.

Mazkur bellashuv jarayonida jamoalar o‘z bilimini, tezkor fikrlash va jamoada ishlash ko‘nikmalarini namoyon etish barobarida murosasiz intellektual kurash olib bordilar. O‘yinlar qizg‘in tarzda o‘tib, har bir jamoa g‘alaba uchun bor imkoniyatini ishga soldi.

 Musobaqa natijalari:
1 “Intellektual avlod” jamoasi;
2 “Everest” jamoasi;
3 “Mantiq ustalari” jamoasi;

Tadbir yakunida g‘olib jamoalar munosib taqdirlanib, barcha ishtirokchilar ilm olishda doimiy izlanishda bo‘lishga, yangilikka intilishdan to‘xtamaslikka chorlandi. Ushbu intellektual musobaqa talabalarda nafaqat bilim olishga bo‘lgan qiziqishni yanada oshirdi, balki ular o‘rtasida do‘stlik, hamkorlik va jamoaviylik ruhini mustahkamlashga xizmat qildi.