TerDPI talabalari "Talabalar almashinuvi" dasturi doirasida Tojikistonda tahsil olmoqda
Termiz davlat pedagogika institutida O‘zbekiston Respublikasi Prezidenti Shavkat Mirziyoyevning 2022-yil 21-iyundagi "Pedagogika ta’lim sifatini oshirish va pedagog kadrlar tayyorlovchi Oliy ta’lim muassasalari faoliyatini yanada rivojlantirish chora-tadbirlari" to‘g‘risidagi Qaroriga asosan bir qancha samarali ishlar amalga oshirib kelinmoqda.
Xususan, kuni kecha "Talabalar almashinuvi" dasturi doirasida kunduzgi ta’lim shaklida tahsil oluvchi 8 nafar talabalarimiz Rus tili va adabiyoti kafedrasi mudiri Sh.Berdiyeva boshchiligida Tojikiston Respublikasiga jo'nab ketdi. Talabalarimiz dastlabki kunda Tojikiston Respublikasida Somoniy davlatining 1100 yilligi munosabati bilan qad ko'targan Ismoil Somoniy haykaliga va Tojikiston Milliy Kutubxonasiga tashrif buyurishdi.
Ma'lumot o'rnida, dastur doirasida o'qish 21-martga qadar davom etadi.