Termiz davlat pedagogika institutida Koreya delegatsiyasi bilan uchrashuv
Termiz davlat pedagogika institutida Janubiy Koreyaning Daeshin universiteti va TEPS (Korea’s Premier English Proficiency Test) tashkiloti vakillari bilan uchrashuv bo‘lib o‘tdi.
Uchrashuvda institut rahbariyati nomidan:
O‘quv ishlari bo‘yicha prorektor L. Bozorov,
Tillar fakulteti dekani A. Umarov,
Xalqaro hamkorlik bo‘limi boshlig‘i U. Eshmuratov,
Falsafa kafedrasi mudiri R. Norliyev ishtirok etdilar.
Daeshin universiteti rahbari janob Kim uchrashuv davomida:
TEPS til bilish sertifikati Janubiy Koreya oliy ta’lim muassasalari tomonidan tan olingani;
Ushbu sertifikat vizani rasmiylashtirish jarayonida yengilliklar berishi;
O‘zbekistonlik talabalar uchun yaratilgan qulayliklar, Koreyada o‘qish va turarjoy bilan ta’minlash jarayonidagi yordamlar haqida batafsil ma’lumot berdi.
Shundan so‘ng, delegatsiya talabalar bilan uchrashib, hujjatlar topshirish tartibi, aloqa uchun kontaktlar va boshqa jarayonlar yuzasidan batafsil tushuntirish berdi. Ushbu ma’lumotlarni delegatsiyaning marketing rahbari janob Jeong va menejer janob Gong taqdim etdilar.