“Besh tashabbus olimpiadasi” sport musobaqalari boshlandi
Bugun Termiz davlat pedagogika institutida talaba-yoshlar o‘rtasida “Besh tashabbus olimpiadasi” sport musobaqalarining 2025-yilgi mavsumi tantanali tarzda start oldi.
Marosim institut rektori A. Xasanovning samimiy tilaklari bilan ochilib, olimpiadaga start berar ekan, sportchi yoshlarga omad va muvaffaqiyat tilandi.
Musobaqalar davomida talabalar Minifutbol, Stol tennisi, Voleybol, Yengil atletika, Stritbol kabi sport turlari bo‘yicha o‘z mahoratlarini namoyish etadilar.
Olimpiadaning bosh maqsadi – yoshlarni jismonan chiniqtirish, sog‘lom turmush tarzini keng targ‘ib qilish, sportga bo‘lgan qiziqishni oshirish hamda ularni hamjihatlik va do‘stlik ruhida birlashtirishdir.
Shu bilan birga, “Besh tashabbus olimpiadasi”ning o‘tgan mavsumda Stritbol sport turi bo‘yicha respublika final bosqichida 2-o‘rinni qo‘lga kiritgan institut talabasi sahnaga taklif etilib, o‘z taassurotlari bilan bo‘lishdi.
Tadbir davomida o‘zbek xalqining bebaho og‘zaki ijodiy merosi – baxshichilik san’ati namoyish etildi.
Shuningdek, Chaqiriqqacha harbiy taʼlim yo‘nalishi talabalari jangovar chiqishlari bilan ishtirokchilarda katta taassurot qoldirdilar.
“Besh tashabbus olimpiadasi” nafaqat sport bellashuvlari, balki yoshlarning ma’naviy-ma’rifiy dunyoqarashini boyituvchi, ularni birlashtiruvchi katta bayramga aylandi.