Yangi mavsum – yangi marralar sari!

Bugun “Yangi Oʻzbekiston olimpiya choʻqqilari” hamda oliy taʼlim muassasalari talabalari o‘rtasida o‘tkaziladigan “Besh tashabbus olimpiadasi”ning 2025-yilgi mavsumi tantanali tarzda start oldi.

 Tadbir Termiz davlat universiteti sport majmuasida bo‘lib o‘tdi va unda Surxondaryo viloyatidagi barcha oliygohlar jamoalari qatorida Termiz davlat pedagogika instituti talabalari ham faol ishtirok etdilar.

 Marosim davomida sportchilarimizning 6 nafari “Jismoniy tayyorgarlik darajasi” sertifikatlari bilan taqdirlanib, institutimiz sharafini yanada yuksaltirdilar.

 “Besh tashabbus olimpiadasi” yoshlar qalbida sog‘lom raqobat, do‘stlik, birdamlik va yuksak vatanparvarlik tuyg‘ularini mustahkamlashga xizmat qiladi.

 Sport — bu kuch va jasorat, iroda va intilish, sog‘lom jamiyatning ramzi!