Institut jamoasi QVZning saralash bosqichi festivalida

Joriy yilning 16–18-sentyabr kunlari Samarqand shahri, Samarqand yoshlar markazida yoshlar orasida keng ommalashgan “Quvnoqlar va zukkolar” ko‘rik-tanlovining yangi mavsum saralash bosqichi festivali bo‘lib o‘tdi.

Mazkur festivalda Termiz davlat pedagogika institutining “A'lo plus” jamoasi ham ishtirok etdi. Festival davomida talabalarimizning iqtidor va iste’dodlari, ijodiy yondashuvlari hamda jamoaviy hamjihatliklari alohida e’tirof etildi.

Jamoa nafaqat institutimiz, balki Surxondaryo viloyatidagi yoshlarning iste’dod va salohiyatini munosib namoyish qilib, yangi mavsum uchun muvaffaqiyatli start oldi.

“A'lo plus” jamoasining mazkur ishtiroki institutimizda yoshlarning ma’naviy-ma’rifiy hayotini yuksaltirish, ularni ijodkorlik va iqtidor yo‘nalishida qo‘llab-quvvatlash borasidagi ishlarga yana bir yorqin misol bo‘ldi.