Termiz davlat pedagogika institutida jinoyatchilik va huquqbuzarliklarning oldini olish, talaba-yoshlarning huquqiy ongini yuksaltirish maqsadida navbatdagi targ‘ibot-tashviqot tadbiri o‘tkazildi.

 Tadbir yurtimiz bo‘ylab o‘tkazilayotgan “Xavfsiz talaba” hamda “Xavfsiz kibermakon” oyligi doirasida tashkil etilib, unda Surxondaryo viloyati IIB kiberxavfsizlik bo‘limi xodimi B. Abdualimov ishtirok etdi.

 Ishtirokchilarga kiberjinoyatlar, ularning oqibatlari va internetdan xavfsiz foydalanish qoidalari yuzasidan atroflicha ma’lumotlar berildi. Talabalar bilan ochiq muloqot tashkil etilib, ularni xabardor qilish maqsadida ko‘rgazmali bukletlar tarqatildi.

 Tadbir davomida raqamli savodxonlik va kiberxavfsizlik madaniyatini yuksaltirishning ahamiyati alohida ta’kidlandi.