“QALQON” mobil guruhiga yangi a’zolar saralandi

Termiz davlat pedagogika instituti Yoshlar ittifoqi boshlang‘ich tashkiloti huzurida faoliyat olib borayotgan “QALQON” mobil guruhi safiga qo‘shilishni istagan talabalarni saralash va a’zolikka qabul qilish bo‘yicha suhbat bo‘lib o‘tdi.

Suhbat jarayonida talabalar bilan guruhning asosiy faoliyati – huquqbuzarliklarning oldini olish, tartib-intizomni ta’minlash, sog‘lom ma’naviy muhit yaratish hamda yoshlar o‘rtasida ijobiy muhitni mustahkamlash masalalari haqida batafsil fikr almashildi.

Shuningdek, suhbat davomida talabalarning dunyoqarashi, huquqiy bilimlari, ijtimoiy faolligi hamda jamoada ishlash ko‘nikmalari baholandi.

 Yakunda o‘zining qiziqishi va irodasi bilan ajralib turgan, ijtimoiy faol yigit-qizlar “QALQON” mobil guruhining yangi a’zolari safiga tavsiya etildi.