Mustaqil hayotga ilk qadam: maslahat soatlari
Termiz davlat pedagogika institutida soha mutaxassislari ishtirokida “Siz mustaqil hayotga tayyormisiz?” mavzusida maslahat soatlari tashkil etildi.
Tadbir davomida talabalarga oilaning muhim qadriyat sifatidagi ahamiyati, erta nikohning oqibatlari, qizlar va yigitlarning oilaviy muammolarini bartaraf etish bo‘yicha profilaktik seminar o‘tkazildi.
Surxondaryo viloyati Respublika “Ona va bola” maskani direktor o‘rinbosari M. Hamidova va psixolog N. Abdullayeva hamkorligida tashkil etilgan seminarda erta va qarindoshlar o‘rtasidagi nikohlarning ijtimoiy-salbiy oqibatlari haqida ma’lumot berildi hamda videorolik namoyish qilindi.
Yakunda talabalar soha mutaxassislariga o‘zlarini qiziqtirgan savollar bilan murojaat qilishdi.