English Fellow dasturi doirasida xalqaro hamkorlik
Bugun Termiz davlat pedagogika institutiga Amerika Qo‘shma Shtatlarining Toshkentdagi elchixonasi huzuridagi RELO (Regional English Language Office) rahbari John Silver, dastur ishtirokchisi va professor-o‘qituvchi Kinsey Norton, shuningdek, RELO rahbari yordamchisi Umida Boltayeva tashrif buyurishdi.
Tashrif davomida institut rahbariyati va Tillar fakulteti jamoasi bilan uchrashuv o‘tkazildi. Uchrashuvda English Fellow dasturi doirasida xalqaro tajriba almashish, ingliz tilini o‘qitishning zamonaviy metodlarini joriy etish hamda talabalarning til ko‘nikmalarini oshirish masalalari muhokama qilindi.
Dastur doirasida Kinsey Norton 2025–2026 o‘quv yili mobaynida Tillar fakulteti Amaliy ingliz tili kafedrasida faoliyat olib boradi. Ushbu hamkorlik nafaqat talabalarning chet tili bilimlarini mustahkamlash, balki professor-o‘qituvchilar malakasini oshirishga ham xizmat qiladi.