TerDPI da “O‘qituvchi va murabbiylar kuni”ga bag‘ishlangan mini futbol musobaqasi

Bugun Termiz davlat pedagogika institutida 1-oktabr — “O‘qituvchi va murabbiylar kuni” munosabati bilan o‘tkazilayotgan sport musobaqalari doirasida mini futbol bo‘yicha bellashuvlar bo‘lib o‘tdi.

 Musobaqada professor-o‘qituvchilar va xodimlar jamoalari o‘zaro kuch sinashib, mahorat va jamoaviylik ruhini namoyon etdilar. Uchrashuvlar do‘stona muhitda, qizg‘in va zavqli tarzda kechdi.

Bellashuv davomida ishtirokchilar nafaqat sport mahoratini, balki birdamlik, do‘stona raqobat va sog‘lom turmush tarziga bo‘lgan intilishini ham ko‘rsatib berishdi.

 Natijada Tabiiy va aniq fanlar fakulteti terma jamoasi hamda Rektorat terma jamoasi final bosqichiga yo‘l oldi.

 Ertaga futbol musobaqasining final uchrashuvi bo‘lib o‘tadi.

 Ma'lumot o'rnida, musobaqalar 10-23-sentabr kunlari professor-o‘qituvchilar va xodimlar o‘rtasida sportning futbol, voleybol, stol tennisi, shaxmat va shashka bo'yicha o'tkaziladi.