Termiz davlat pedagogika institutida intellektual mulk va patentlash bo‘yicha seminar-trening

Bugun Termiz davlat pedagogika institutida Surxondaryo viloyati Adliya boshqarmasi hamkorligida “Ixtiro va foydali modelga patent olish uchun talabnoma rasmiylashtirish hamda intellektual mulk huquqini himoya qilishning huquqiy asoslari” mavzusida seminar-trening bo‘lib o‘tdi.

Seminarda Ilmiy ishlar va innovatsiyalar bo‘yicha prorektor Sh. Kuldasheva, Adliya boshqarmasi intellektual mulk huquqlarini himoya qilish bo‘yicha bosh maslahatchisi S. Yuldashevalar ishtirok etib, mavzuga oid muhim ma’lumotlar hamda amaliy tavsiyalarni taqdim etdilar.

Shuningdek, seminar davomida institut professor-o‘qituvchilari hamda talabalar faol qatnashib, intellektual mulk huquqlarini himoya qilish, patent olish jarayonlari, ilmiy ishlanmalarni huquqiy asosda mustahkamlash bo‘yicha o‘zlarini qiziqtirgan savollarga javob oldilar.