Talaba va o‘qituvchilarga ogohlik saboqlari

Bugun Termiz davlat pedagogika institutida Termiz tumani Favqulodda vaziyatlar bo‘limi xodimlari tomonidan kuz-qish mavsumini betalafot o‘tkazish yuzasidan profilaktik tadbirlar o‘tkazildi.

 Tadbir davomida professor-o‘qituvchilar va talabalarga favqulodda vaziyatlarda to‘g‘ri harakat qilish, yong‘in xavfsizligi qoidalariga amal qilish hamda o‘t o‘chirish vositalaridan foydalanish bo‘yicha tushuntirish ishlari olib borildi.

 Shuningdek, xavfsizlik qoidalariga oid zaruriy eslatmalar tarqatilib, kuz-qish mavsumini xotirjam va xavfsiz o‘tkazish bo‘yicha amaliy tavsiyalar berildi.

 Bunday tadbirlar talaba yoshlar va pedagog xodimlarning ogohligini oshirish, favqulodda vaziyatlarning oldini olishda muhim ahamiyat kasb etadi.