Termiz davlat pedagogika institutida ma’naviy-ma’rifiy uchrashuv bo‘lib o‘tdi
Tadbirni institut Yoshlar masalalari va ma’naviy-ma’rifiy ishlar bo‘yicha birinchi prorektori U.Turamuratov ochib berib, mustaqil hayotga ilk qadam qo‘yayotgan yoshlarning ta’lim olishi, yuksak ma’naviyatli va barkamol shaxs bo‘lib voyaga yetishi bugungi davrda nechog‘li muhim ekanini ta’kidladi.
Mazkur uchrashuvda Imom Termiziy xalqaro ilmiy-tadqiqot markazi direktori M.Joniyev, viloyat IIB TQKB mas’ul xodimi I.Suyunov hamda qator hamkor tashkilotlar hamkorligida o‘tkazildi.
Uchrashuv “Jaholatga qarshi – ma’rifat bilan kurash!” va “Inson qadri va huquqlarining ustuvorligi – taraqqiyot poydevori” mavzularida tashkil etildi. Tadbir davomida soha mutaxassislari tomonidan yoshlarning dunyoqarashini shakllantirish, ularda diniy bag‘rikenglik, inson huquq va qadr-qimmatini hurmat qilish, milliy va umuminsoniy qadriyatlarning ahamiyatini chuqur anglash, yoshlarni turli zararli g‘oyalar va yot oqimlar ta’siridan asrash, ularning ma’naviy immunitetini kuchaytirish masalalariga alohida urg‘u berildi.
Uchrashuvda 750 nafardan ortiq 1-kurs talabalari qatnashib, o‘zlarini qiziqtirgan savollarni mutaxassislarga murojaat tarzida yo‘lladilar. O‘zaro muloqot ruhida kechgan savol-javoblar tadbirga ko‘tarinki kayfiyat bag‘ishladi.