Ilmiy-texnik kengash yig‘ilishi: Ilmiy faoliyat yanada rivojlanmoqda!

Bugun Termiz davlat pedagogika institutida Ilmiy ishlar bo‘yicha prorektor Sh.Kuldasheva raisligida navbatdagi Ilmiy-texnik kengash yig‘ilishi o‘tkazildi. Tadbirda institut rektori A. Xasanov ham ishtirok etdi.

Yig‘ilish davomida professor-o‘qituvchilar, izlanuvchilar va talabalarning ilmiy faoliyatini yanada rivojlantirishga qaratilgan masalalar muhokama qilindi. Jumladan: tanlovlar, fundamental tadqiqotlar va innovatsion jamg‘arma loyihalari, iqtidorli talabalar va izlanuvchilarning ilmiy ishlari, ma’lumotlar bazalarida ro‘yxatdan o‘tish hamda yil davomida rejalashtirilgan ilmiy tadbirlar ko‘rib chiqildi.

Shuningdek, yig‘ilishda tegishli qarorlar qabul qilinib, professor-o‘qituvchilar o‘z taklif va mulohazalarini bildirdilar.