1-kurs Talabalar bilan uchrashuv
Bugun Termiz davlat pedagogika instituti Yoshlar masalalari va ma’naviy-ma’rifiy ishlar bo‘yicha birinchi prorektori U.Turamuratov 2025-2026 o'quv yilida Tillar va Tabiiy va aniq fanlar fakultetiga 1-kursga qabul qilingan talabalar bilan ochiq muloqot o‘tkazdi.
Uchrashuv davomida talabalarning kundalik hayoti va ta’lim jarayoniga bevosita aloqador bo‘lgan bir qator muhim masalalar muhokama qilindi. Xususan:
talabalarni turar joy bilan ta’minlash va ijarada yashash tartib-qoidalari;
talabalar o‘rtasida odob-axloq me’yorlariga rioya qilish;
turar joylarda tozalik va gigiyena talablarini ta’minlash;
zararli odatlardan, noqonuniy harakatlar hamda turli yot g‘oyalardan yiroq bo‘lish;
bo‘sh vaqtni samarali o‘tkazish;
ijtimoiy tarmoqlardan to‘g‘ri foydalanish, salbiy axborotlardan o‘zini asrash;
institut sha’ni va obro‘sini asrab-avaylash, bilim olishda intizom va mas’uliyatni ustuvor qo‘yish.
Ta’kidlaganidek, talabalik davri – inson hayotidagi eng mas’uliyatli va unutilmas bosqichdir. Bu davrni to‘g‘ri yo‘naltirish, har bir yoshning kelajakdagi yutuqlari va hayotdagi o‘rnini belgilaydi. Shuning uchun har bir talaba ilmga chanqoq, halol, intizomli va yuksak axloqiy qadriyatlarga sodiq bo‘lishi zarur.
Suhbat davomida talabalar o‘zlarini qiziqtirgan savollarga batafsil javoblar olishdi. Tadbir ochiq va samimiy muloqot ruhida o‘tdi.
Yakunda barcha talabalar “Ilm – eng katta boylik, halollik – eng yuksak fazilat” ekanini unutmasdan, o‘z hayotida mas’uliyat va intizomni doimiy mezon qilib olishga chaqirildi.