Termiz davlat pedagogika instituti “INNOWEEK – 2025” haftaligida faol ishtirok etmoqda

Oliy ta’lim, fan va innovatsiyalar vazirligi tomonidan tasdiqlangan grafik asosida o‘tkazilayotgan “INNOWEEK – 2025” haftaligi doirasidagi “Ilmiy ishlanmalar va innovatsion mahsulotlar ko‘rgazmasi” tadbirida Termiz davlat pedagogika instituti keng ko‘lamda ishtirok etmoqda.

Viloyatimiz oliy ta’lim muassasalari professor-o‘qituvchilari, doktorantlar, magistrantlar, mustaqil tadqiqotchilar va yosh izlanuvchilarni bir manzilda jamlagan mazkur ko‘rgazma ishtirokchilarga katta ruh va ilhom bag‘ishladi. Tadbir nafaqat ilmiy yutuqlar namoyishi, balki yangi g‘oyalar, maqsadlar va yirik rejalar sari yo‘naltiruvchi maydonga aylandi.

E’tiborga molik jihati shundaki, tadbir davomida ilmiy ishlanmalarni tadbirkorlar va investorlar bilan hamkorlikda amaliy loyihalarga aylantirish bo‘yicha seminar va trening mashg‘ulotlari ham o‘tkazildi. Bu esa ilmiy izlanishlarning natijadorligini oshirish, ularni real iqtisodiyotga tatbiq etishda muhim qadam bo‘lib xizmat qilmoqda.