Talabalarga qulaylik!

O‘zbekiston Respublikasi Vazirlar Mahkamasining 2025-yil 10-martdagi 149-sonli qaroridan kelib chiqib, talabalarga ajratiladigan davlat grantlarini adolatli va shaffof taqsimlash, o‘qishda yuqori ko‘rsatkichlarga ega talabalarni rag‘batlantirish, grant mablag‘laridan maqsadli va samarali foydalanishning aniq mexanizmi belgilangan.

Mazkur qaror ijrosini taʼminlash maqsadida Termiz davlat pedagogika institutida tegishli chora-tadbirlar amalga oshirilmoqda. Jumladan, talabalarning ijtimoiy faolligi va o‘quvdagi yutuqlarini baholash hamda grantlar taqsimotini shaffof tashkil etish uchun maxsus elektron platforma — grant.terdpi.uz  ishlab chiqildi.

Grant ajratilishi yoki qayta taqsimlanishi uchun  2025-yil 
10-avgustgacha platformadan ro‘yxatdan o‘tgan talabalar o‘zlarining profili orqali "Kitobxonlik madaniyati" bo'yicha test sinovlaridan o‘tishlari so‘raladi.

E'tibor qarating! 
Test sinovini ikki marta topshirishga, testni boshlagandan keyin sahifani yangilashga ruxsat berilmaydi. 
Testni boshlaganingizda keyin, 40 ta savolning hammasiga  javobni belgilashingiz kerak bo'ladi.
Barcha savollarga javob belgilab bo'lgach, "Tugatish" tugmasini bosing. 

Test topshirish muddati 2025-yil 11-avgust soat 23:59ga qadar

Eslatma: "Kitobxonlik madaniyati" bo'yicha test sinovlari faqatgina yangi ariza topshirgan talabalar uchun.