Yangi avlod, yangi umidlar

Termiz davlat pedagogika institutida 2025/2026-o‘quv yilida o‘qishga qabul qilingan talabalar munosib kutib olindi.

Institutning barcha fakultetlarida 1-kurs talabalari ishtirokida "Vatan uchun, millat uchun, xalq uchun" shiori ostida bayram tadbiri va “Mustaqillik darslari” o‘tkazildi.

Tadbir davomida prorektorlar tomonidan institut rektori A. Xasanovning talabalarga yo‘llagan tabrik so‘zlari o‘qib eshittirildi.  

Shu bilan birga, mustaqillikning qadr-qimmati, yoshlarga yaratilayotgan imkoniyatlar haqida so‘z yuritib, yangi o‘quv yilida ularga ulkan yutuqlar tilashdi.