Talabalar uchun yaratilgan imkoniyatlar o‘rganildi.
Termiz davlat pedagogika institutiga Oliy ta’lim, fan va innovatsiyalar vaziri o‘rinbosari Otabek Mahkamov tashrif buyurdi. Tashrif davomida vazir o‘rinbosari institut rektori Azizbek Xasanov hamrohligida talabalarni turar joylarga joylashtirish uchun tashkil etilgan Yordam ko‘rsatish markazi faoliyati bilan yaqindan tanishdi.
Uchrashuv davomida institut rahbariyati hamda volontyor-talabalar tomonidan markazda olib borilayotgan ishlar, jarayonlar va ko‘rsatilayotgan xizmatlar haqida batafsil ma’lumotlar berildi.
Tashrifdan ko‘zlangan maqsad – yangi o‘quv yiliga tayyorgarlik doirasida talabalar uchun yaratilayotgan sharoitlar, xususan, ularni turar joylarga joylashtirish jarayonini o‘rganish va samaradorligini oshirishdan iborat bo‘ldi.