Hududlardagi mahallalar bilan hamkorlik

Termiz davlat pedagogika instituti Xotin-qizlar masalalari bilan ishlash bo‘yicha rektor maslahatchisi S.Tursunova  hamda Termiz tumani, “Nurafshon” MFY xotin-qizlar faoli  va mahalla xotin-qizlari bilan birgalikda “Xotin-qizlar o‘rtasida huquqbuzarlik va jinoyatchilikning barvaqt oldini olish bo‘yicha targ‘ibot ishlarini  tashkil etish, erta nikoh va erta tug‘ruqning oldini olish bo‘yicha maktab, mahalla, institut o‘rtasidagi hamkorlik ishlarini kuchaytirish" mavzularida uchrashuv o'tkazildi.

Uchrashuv davomida jinoyatchilik va oilaviy ajrimlar sonini kamaytirish, yoshlarni kasbga o'rgatish, kitobxonlikni keng targ'ib qilish, yoshlarning jamiyatdagi o'z o'rnini egallashlariga ko'maklashish maqsadida mamlakatimizda so‘nggi yillarda olib borilayotgan ishlar, aholining ijtimoiy himoyaga muhtoj qatlami uchun yaratib berilayotgan shart-sharoitlar va imkoniyatlar to‘g‘risida axborot va tushunchalar berildi.