Prezident va nomli davlat stipendiyalari uchun imtihonlar boshlandi
Bugun Termiz davlat pedagogika institutida Prezident hamda nomli davlat stipendiyalari tanlovining institut bosqichi boshlandi. Tadbir avvalida, Ilmiy ishlar va innovatsiyalar bo'yicha prorektor Sh.Kuldasheva ishtirok etib, o‘z nutqida ushbu stipendiyalar yoshlarimizning ilmiy salohiyatini ro‘yobga chiqarishdagi ahamiyatini alohida ta’kidlab, barcha ishtirokchilarga muvaffaqiyat tiladi.
Jarayonlar maxsus kuzatuv xonalarida adolatli va shaffof muhitda, belgilangan talablarga mos ravishda o‘tkazilmoqda.
Birinchi kunda nomzodlar Chet tili fanlaridan maxsus sinovdan o'tishdi. Komissiya a'zolari tomonidan nomzodlar o'qishdagi va ilmiy (ijodiy) faoliyatidagi muvaffaqiyatlari, mazkur fanlardan bilim darajasi, faolligini inobatga olgan holda baholab borildi.
Barcha ishtirokchilarga omad tilaymiz!