"Dolzarb 90 kun"

"Dolzarb 90 kun" tadbirlari doirasida viloyatimiz markazida "Yozgi kasblar markazi" faoliyatida tashkil etilgan. Yoshlarning bo‘sh vaqtlarini mazmunli tashkil etish, ularni til o‘rganishga bo‘lgan qiziqishlarini oshirish va qo‘llab-quvvatlashda Termiz davlat pedagogika instituti ham faol ishtirok etmoqda.

Ayniqsa, Tillar fakulteti professor-o‘qituvchilari tomonidan tashkil etilgan “Xorijiy tillar” to‘garagi yoshlarni o'zga tillar olamiga yetaklab, ularning tafakkurini rivojlantirmoqda. 

To‘garak davomida ishtirokchilar ingliz tili, nemis tili va rus tili grammatikasi qoidalari, ularda erkin gapirish hamda boshqa foydali ko‘nikmalarni egallamoqda.

Yozgi kasblar markazidagi ushbu tashabbus nafaqat yoshlarning bo‘sh vaqtini mazmunli tashkil etishga, balki ularning kelgusidagi kasb tanlovi, ijodiy tafakkuri va milliy qadriyatlarga hurmatini oshirishga xizmat qilmoqda.