Karyera kuni — talabalar uchun yangi imkoniyatlar maydoni
Institutimizda talabalarni ish bilan ta’minlash maqsadida “Karyera kuni” mehnat yarmarkasi muvaffaqiyatli o‘tkazildi. Tadbirda 400 ga yaqin turli sohalarga oid tashkilot va korxonalar vakillari 3 mingga yaqin bo'sh ish o'rinlari bilan ishtirok etdilar.
Yarmarkada 200 dan ortiq yoshlar ishlash istagini bildirishib, ish beruvchilar bilan tanishish, bo‘sh ish o‘rinlari haqida to‘g‘ridan-to‘g‘ri ma’lumot olish, amaliyot va ishga joylashish bo‘yicha suhbatlarda ishtirok etish imkoniyatiga ega bo‘ldilar.
Tadbir yoshlarga nafaqat o‘z kasbiy yo‘nalishlarini aniqlashtirish, balki real mehnat bozoriga chiqish uchun muhim tajriba bo‘ldi.
Institutimiz bitiruvchilarining o‘z mutaxassisliklari bo‘yicha ish bilan ta’minlanishi biz uchun muhim ustuvor yo‘nalishlardan biri hisoblanadi. Ana shu maqsadda tashkil etilgan mehnat yarmarkasi ko‘plab talabalar uchun yangi eshiklarni ochdi.
Ma'lumot o'rnida, bugungi kunda Termiz davlat pedagogika institutida 2202 nafar bitiruvchilar mavjud bo'lib, ularning 33% foizi ish bilan ta'minlangan.