Termiz davlat pedagogika instituti vakillari xalqaro ilmiy kolloquiumda ishtirok etdi.

Gumanitar yo‘nalishlarda xorijiy tillar kafedrasi professor-o‘qituvchilari va iqtidorli bitiruvchi kurs talabalari Myunster universiteti bilan doimiy asosda o‘tkazib kelinayotgan ilmiy kolloquiumda faol ishtirok etdilar.
Onlayn formatda tashkil etilgan mazkur ilmiy uchrashuvni Germaniya-O‘zbekiston universitetlari tarmog‘ining akademik rahbari, professor doktor Silvia Reuvekamp olib bordi. Tadbir davomida ikki tomonlama ilmiy hamkorlikni kengaytirish, kelgusi o‘quv yilida amalga oshiriladigan rejalar va tashabbuslar muhokama qilindi.

Ma’lumot uchun:2024-yil 5-mart kuni Termiz davlat pedagogika instituti bilan Myunster universiteti o‘rtasida o‘zaro anglashuv memorandumi imzolangan bo‘lib, u ta’lim yo‘nalishlarini modernizatsiya qilish hamda ilmiy hamkorlikni yo‘lga qo‘yishni nazarda tutadi.