Oliy ta’lim, fan va innovatsiyalar vazirligida “Vazir kubogi” musobaqasi bo‘lib o‘tmoqda
Ayni paytda Oliy ta’lim, fan va innovatsiyalar vazirligida sport an’analarini mustahkamlash, sog‘lom turmush tarzini targ‘ib etish hamda jamoaviylik ruhini rivojlantirish maqsadida departament, boshqarma va bo‘limlar o‘rtasida futbol bo‘yicha “Vazir kubogi” musobaqasi o‘tkazilmoqda.
Mazkur musobaqada vazirlik markaziy apparatining barcha tarkibiy bo‘linmalari faol ishtirok etmoqda. Har bir jamoa maydonda yuqori kayfiyat, jamoaviy harakat va sportga bo‘lgan katta ishtiyoq bilan harakat qilmoqda. O‘yinlar qizg‘in va murosasiz kurashlarga boy tarzda o‘tmoqda, bu esa nafaqat ishtirokchilar, balki tomoshabinlar uchun ham yuqori kayfiyat ulashmoqda.
Musobaqa yakunida g‘olib jamoaga faxriy yorliq, esdalik sovg‘alari va, albatta, “Vazir kubogi” topshiriladi.