Termiz davlat pedagogika institutida "Korrupsiya taraqqiyot kushandasi" mavzusida davra suhbati tashkil etildi
Bugun Termiz davlat pedagogika institutida Amir Temur nomidagi Oʻzbekiston Respublikasi Davlat xavfsizlik xizmati akademiyasi professor-oʻqituvchilari bilan hamkorlikda "Korrupsiya taraqqiyot kushandasi" mavzusida davra suhbati oʻtkazildi. Dastlab yigʻilishni institut rektori A.Xasanov kirish soʻzi bilan ochib berib, O‘zbekiston Respublikasi Prezidenti Sh.M.Mirziyoyev raisligida joriy yil 5-mart kuni bo‘lib o‘tgan Korrupsiyaga qarshi kurashish bo‘yicha milliy kengashning korrupsiyani oldini olish bo‘yicha ishlar natijadorligi va kelgusidagi ustuvor vazifalarga bag‘ishlangan kengaytirilgan yig‘ilishi mazmun mohiyati boʻyicha institutda olib borilayotgan ishlar boʻyicha fikr-mulohaza bildirdi.
Shuningdek, tadbirda soʻz olganlar yigʻilganlarga bugungi kunda korrupsiyaning hayotimizda dolzarb mavzu ekanligi, bu borada vazifasini suiisteʼmol qilgan shaxslarga nisbatan qonunda belgilangan tartibda jazo muqarrarligi, yoshlar orasida doimiy tarzda "Korrupsiya — xavfli illat" shiori ostida tushuntirish ishlari, targʻibot tadbirlarini olib borish zarurligini taʼkidlashdi.
Tadbir davomida talabalar masʼullar tomonidan "TEROZBEKISTONMFY_BOT" bilan tanishtirildi va foydalanish imkoniyatiga ega boʻlishdi.