TerDPI va M.V Lomonosov nomidagi Moskva davlat universitetining Dushanbe filiali o’rtasida memorandum tuzildi
Ayni payt Tojikiston Respublikasi Dushanbe shahrida xizmat safarida bo’lib turgan Ilmiy ishlar va innovatsiyalar bo’yicha prorektor Sh.Kuldasheva M.V Lomonosov nomidagi Moskva davlat universitetining Dushanbe filiali direktori Ganizoda Rustam Gafur bilan uchrashdi.
Mazkur uchrashuvda oliygohlar o’rtasida “Talabalar almashinuvi” dasturini yo’lga qo’yish, tajribali professor o’qituvchilarni ma’ruza mashg’ulotlariga jalb etish, hamkorlikda konferensiyalar o’tkazish, ilmiy jurnalda maqolalar chop etish singari masalalar muhokama qilinib, tomonlar o’rtasida memorandum tuzishga erishildi.
Shuningdek, Saidmo’min Rahimov nomidagi Tojikiston jismoniy tarbiya universiteti rahbariyati bilan ham uchrashuv tashkil etilib, kelgusida Jismoniy madaniyat va san’at fakulteti o’rtasida hamkorlik aloqalarini o’rnatish borasida kelishib olindi.