Qorabayir ot minish maktabida talabalar guruhi tashabbusi bilan mahorat darsi o'tkazildi

Termiz davlat pedagogika institutida talabalar tashabbusi bilan faoliyat yurituvchi “Qalqon” jamoatchilik guruhi tomonidan Qorabayir ot minish maktabida amaliy mahorat darsi tashkil etildi. Mazkur tashabbus talabalarni tabiat, hayvonot olami va milliy tabiiy-madaniy merosga hurmat ruhida tarbiyalash, ularda ekologik mas’uliyat va ehtiyotkor munosabat madaniyatini shakllantirishga qaratildi.

Tadbir davomida ishtirokchilarga otlar bilan muomala qilish madaniyati, ularni parvarishlash, xavfsizlik qoidalariga amal qilish, hayvonlarga nisbatan mas’uliyatli munosabatda bo‘lish hamda milliy an’analar bilan bog‘liq amaliy tushunchalar berildi. Shuningdek, talabalar tabiiy muhit, hayvonot dunyosi va madaniy meros obyektlariga nisbatan ongli va ehtiyotkor yondashuvning аҳamiyati bilan yaqindan tanishdilar.

Mazkur mahorat darsi talabalarning ekologik savodxonligini kengaytirish, barqaror rivojlanish tamoyillarini amaliy faoliyat bilan bog‘lash hamda yoshlar orasida tabiiy va madaniy merosni asrashga oid ijtimoiy faollikni kuchaytirishga xizmat qildi. Tadbir jarayonida “Qalqon” guruhi a’zolari tomonidan hayvonot olamiga hurmat, tabiiy muhitni asrash va mas’uliyatli fuqarolik yondashuvini targ‘ib etishga alohida e’tibor qaratildi.

Ushbu tashabbus institutda talabalar tomonidan boshqariladigan ekologik va ijtimoiy yo‘nalishdagi faoliyatlarni rivojlantirish, barqarorlik madaniyatini kengaytirish hamda yoshlarni amaliy tashabbuslar orqali ijtimoiy foydali faoliyatga jalb etishning muhim namunalaridan biri bo‘ldi.