Termiz davlat pedagogika institutiga vazir o'rinbosari tashrif buyurdi
Bugun, Termiz davlat pedagogika institutiga Oliy ta'lim, fan va innovatsiyalar vaziri o'rinbosari Sarvarxon Buzrukxonov tashrif buyurdi. Tashrif doirasida Sarvarxon Buzrukxonov institut rektori Azizbek Xasanov bilan birgalikda “Yangi O‘zbekiston” massivida yangidan qurib bitkazilayotgan 2 ta 1500 o‘rinli o‘quv binosi hamda davlat-xususiy sheriklik asosida qurilayotgan 2 ta 400 o‘rinli talabalar turar joyining qurilish jarayonlari bilan tanishdi.
Xususan, institut rahbariyati va quruvchi tashkilot mas’ullari tomonidan jarayonlar haqida ma’lumotlar berildi. Shuningdek, vazir oʻrinbosari ushbu qurilayotgan bino orqali talabalar hamda professor-oʻqituvchilar uchun bir qator qulayliklar yaratilishini ta'kidladi.
Shundan so‘ng, institutning asosiy binosida talaba-yoshlar uchun yaratilgan sharoitlar o‘rganilib, "Qalqon" jamoatchilik guruhida xizmat qilayotgan talabalar bilan suhbatlashildi.