Universiada–2025: Badminton bo‘yicha Respublika final bosqichi boshlandi.
Hozirda respublikamizning barcha hududlarida oliy ta’lim muassasalari talabalari o‘rtasida “Universiada–2025” sport musobaqalari qizg‘in pallaga kirib bormoqda.
Bugun, 5-fevral kuni O‘zbekiston davlat jismoniy tarbiya va sport universitetida Universiada–2025 sport musobaqalarining badminton turi bo‘yicha Respublika final bosqichi boshlandi.
Musobaqaning ochilish marosimida so‘zga chiqqanlar ushbu sport musobaqalari nafaqat talaba-yoshlarni sportga keng jalb etish, balki ular o‘rtasida do‘stlik munosabatlarini o‘rnatish va jamoa bo‘lib harakat qilishga xizmat qilayotganini alohida qayd etdilar. Shundan so‘ng, musobaqa jarayonlari boshlandi.
Ushbu bosqichda respublikamizning barcha hududlaridan 120 ga yaqin talabalar yakkalik, juftlik hamda aralash dasturlarda g‘oliblik uchun bahs olib bormoqda.
Eslatma: Musobaqa ertaga, 6-fevral kuni ham davom etadi.