TerDPIga biriktirilgan maktablarda vatanparvarlik tadbirlari tashkil etildi
Xabaringiz bor, Termiz davlat pedagogika institutiga biriktirilgan Oltinsoy tumanida joylashgan umumta’lim maktablarida doimiy ravishda metodik yordam ko’rsatilib, ma’naviy-ma’rifiy tadbirlar o’tkazib kelinmoqda.
Bugun ham o'quvchilar o'rtasida “Vatanparvarlik ruhini uyg’otuvchi ma’naviy-ma’rifiy tadbirlarning salmog’ini oshirish” maqsadida Yoshlar masalalari va ma’naviy-ma’rifiy ishlar bo’yicha birinchi prorektor U.Turamuratov, Jismoniy madaniyat va san'at fakulteti dekani Sh.Xudoyebrdiyevlar rahbarligida institut jamoasi tumandagi 4-11-sonli umumta’lim maktablari va 2-sonli Ayrim fanlar chuqur o’rganiladigan maktabda bo'lib, “Vatan ostonadan boshlanadi" shiori ostida ma'naviy-ma'rifiy tadbir o'tkazishdi.
Tadbirda Yoshlar ittifoqi boshlang'ich tashkiloti, Musiqa ta'lim yo'nalishi, Chaqiriqqacha maxsus harbiy ta'lim yo'nalishi talabalari tomonidan vatanni madh etuvchi kuy-qo'shiqlar yangrab, janggovar chiqishlar namoyish etildi. Shuningdek, rahbariyat tomonidan maktablar kutubxonasiga badiiy adabiyotlar hamda faol o’quvchilarga sport anjomlari topshirildi.