Yangi O'zbekiston armiyasi— mamlakat tayanchi, xalqimiz faxri
Termiz davlat pedagogika institutida O'zbekiston Respublikasi Qurolli kuchlari tashkil etilganligining 33 yilligi hamda 14-yanvar "Vatan himoyachilari kuni" munosabati bilan "Vatanparvarlik oyligi" doirasida "Yangi O'zbekiston armiyasi— mamlakat tayanchi, yuksak g'urur va sadoqat timsoli!" shiori ostida ma'naviy-ma'rifiy tadbir boʻlib oʻtdi.
Tadbirda institut rahbariyati, 97-85-harbiy qism komandiri, komandir o'rinbosarlari, Surxondaryo viloyati Veteran jangchi faxriylar kengashi a'zolari, faxriy mehmonlar va talabalar ishtirok etishdi. Tadbir davomida 97-85-harbiy qism askarlari tomonidan xizmat itlari bilan sahna ko'rinishlari, Chaqiriqqacha harbiy ta'lim yo'nalishi talabalari tomonidan janggovar chiqishlar va Vatanni madh etuvchi kuy-qo'shiqlar, teatrlashtirilgan sahna asarlari namoyish etildi.
Shuningdek, institutda faoliyat yuritadigan bir guruh profesor-o’qituvchilar sana munosabati bilan taqdirlanishdi.