Yana bir g'alaba - "Besh tashabbus olimpiadasi"da talaba-qizlar jamoamiz zafar quchdi

Termiz davlat universiteti mezbonligida "Besh tashabbus olimpiadasi" doirasida  voleybol musobaqasining (qiz bolalar o'rtasida) hududiy bosqichi o'tkazildi. Mazkur musobaqada institutimiz jamoasi o'z g'alabali yurishlarini davom ettirgan holda dastlabki o’yinda Toshkent tibbiyot akademiyasi Termiz filiali jamoasini 2:0 va final bahsida Termiz davlat universiteti jamoasini 2:0 hisobida mag’lubiyatga uchratib,1-o'rinni qo'lga kiritishdi. 

1-o'rin Termiz davlat pedagogika instituti  jamoasi
2-o'rin Termiz davlat universiteti jamoasi
3-o'rin Toshkent tibbiyot akademiyasi Termiz filiali jamoasi

Ma’lumot o’rnida, institutimiz talabalari “Besh tashabbus olimpiadasi” ning hududiy bosqichida 5 ta sport turidan ishtirok etib, 4 ta yo’nalish bo’yicha yengil atletika, stritbol, futbol va voleybol musobaqalarida boshqa jamoalarga imkoniyat qoldirmasdan 1-o’rinni egallashdi va umumjamoa hisobida viloyatda tengsiz ekanliklarini isbotlashdi. 

 Barakalla yoshlar! TerDPI jamoasi sizlar bilan faxrlanadi. Endi navbat respublika final o'yinlariga. Barcha talabalarimizga final o’yinlarida omad tilaymiz!