Nogironligi bo‘lgan bolalarni qo‘llab-quvvatlash bo‘yicha xayriya va ijtimoiy tashrif

Termiz davlat pedagogika instituti Maktabgacha va boshlang‘ich ta’lim fakulteti professor-o‘qituvchilari, kafedra jamoasi, tyutorlar, talabalar hamda magistrantlar ishtirokida ko‘ngilli “Mehrli qo‘llar” jamoasi tashabbusi bilan Qumqo‘rg‘on tumanida joylashgan “Muruvvat” internat uyiga ijtimoiy tashrif tashkil etildi.

Tashrif davomida internat uyidagi bolalarning holati bilan tanishildi, ular uchun ma’naviy-ma’rifiy va ko‘ngilochar dastur uyushtirildi, jumladan sahna chiqishlari, qiziqarli o‘yinlar va mehr-muruvvatga yo‘naltirilgan faoliyatlar tashkil etildi. Shuningdek, bolalarga xayriya sovg‘alari topshirildi.

Mazkur tashrif nogironligi bo‘lgan bolalarni ijtimoiy qo‘llab-quvvatlash, ularga e’tibor va mehr ko‘rsatish, talabalar orasida ijtimoiy mas’uliyat va ko‘ngillilik madaniyatini rivojlantirishga xizmat qiladi. Shu jihatdan, bunday tashabbuslar institutning ijtimoiy inklyuziya, jamoatchilik bilan hamkorlik va himoyaga muhtoj guruhlarni qo‘llab-quvvatlashga qaratilgan amaliy ijtimoiy ta’sir faoliyatining muhim qismi hisoblanadi.