Diqqat, e'lon!

Magistrantlar xorijga qisqa muddatli amaliyotga yuboriladi

Termiz davlat pedagogika instituti rahbariyati tomonidan talabalarni xorijning nufuzli Oliygohlarida amaliyot o'tash, akademik mobillikni rivojlantirish va talaba almashinuvi dasturini yo'lga qo'yish maqsadida birinchi va ikkinchi bosqich magistrantlari o'rtasida ochiq tanlov e'lon qilinadi. 

Tanlovdan muvaffaqqiyatli o'tgan nomzodlar Rossiya Federatsiyasi Qozon federal universiteti Elabuga institutiga 2024-yilning dekabr oyida qisqa muddatga amaliyotga yuboriladi.

Nomzodlar maxsus komissiya a'zolari tomonidan til bilish darajasi (rus yoki ingliz tili sertifikat) fanlarni a'lo baholarga o'zlashtirganlik darajasi, jamoat ishlarida faolligi, xalqaro ilmiy jurnallarda maqolalar chop ettirganligi (kamida 2ta Google Scholar) Xalqaro konferensiyada ishtirok etganligi hamda tegishli kafedra mudirlari tomonidan berilgan tavsiyanoma asosida tanlab olinadi. 

Tanlovda ishtirok etish istagida bo'lgan magistrantlar joriy yilning 30-noyabriga qadar Institutning xalqaro hamkorlik bo'limiga  murojaat etishlari lozim.

Qo'shimcha savollar uchun:  +998-93-633-21-11

Eslatib o'tamiz, tanlovda barcha mutaxassislikda tahsil oluvchi magistrantlar ishtirok etishlari mumkin.