TerDPI professor-oʻqituvchilari tomonidan Oltinsoy tumanidagi maktablarga metodik yordam koʻrsatilmoqda
Avval xabar qilganimizdek, Termiz davlat pedagogika institutiga Oltinsoy tumanida joylashgan 15 ta umumta’lim maktablari biriktirilgan. Mazkur maktablarga doimiy tarzda TerDPI professor-oʻqituvchilari tomonidan metodik yordam koʻrsatib kelinmoqda.
Jumladan 29-oktabr kuni O'quv ishlari bo'yicha prorektor L.Bozorov, Ta’lim sifatini nazorat qilish boʻlim boshligʻi B.Qodirov, Tillar fakulteti dekani A.Umarov va Rus tili va adabiyoti kafedrasi oʻqituvchisi Z.Avliyaqulovlar Oltinsoy tumanida boʻlib, oʻzlariga biriktirilgan maktablarda boʻlishdi.
Masʼullar tomonidan maktab oʻqituvchilariga mahorat darslari tashkil etilib, maktab kutubxonalariga oʻquv hamda badiiy kitoblar topshirildi. Professor-oʻqituvchilar tomonidan bitiruvchi sinf oʻquvchilarini TerDPI bilan tanishtirish maqsadida "Ochiq eshiklar kuni"ga taklif etildi.
TerDPI professor-o'qituvchilari tomonidan Oltinsoy tumanidagi maktablarga metodik yordam ko'rsatish ishlari davom etmoqda.