TerDPI da 1-bosqich talabalari munosib kutib olindi

Joriy yilning  9-sentabr respublikamizdagi barcha oliy ta'lim muassasalarida yangi 2024/2025-o'quv yili boshlandi. Termiz davlat pedagogika institutida ham "Bir bo'lsak - yagona xalqmiz, birlashsak - Vatanmiz" shiori ostida bayram tadbiri tashkil etildi.

Tadbirni institut rektori A.Xasanov kirish so'zi bilan ochib berdi va yig'ilganlarni mustaqilligimizning 33 yillik shodiyonasi bilan samimiy tabrikladi. Shuningdek, yuqori ball bilan davlat granti asosida 1-kursga qabul qilingan yoshlar va ularning ota-onalariga tashakkurnoma va esdalik sovg'alari topshirildi. 

So'zga chiqqan nuroniy otaxonlar mamlakatimizda yoshlarga yaratilayotgan qulayliklar, zamonaviy, shinam binolarda o'qish imkoniyatlari mavjudligidan xursand ekanliklarini ta'kidlashdi. Tadbir konsert dasturiga ulanib ketdi.