Xalqaro hamkorlik aloqalarimiz kengaymoqda
Shu kunlarda Surxondaryo viloyati hokimligi delegatsiyasi Rossiya Federatsiyasi Novosibirsk viloyatida xizmat safarida bo‘lib turibdi.
Bugun, 16-iyul kuni mazkur delegatsiya tarkibida bo‘lgan Termiz davlat pedagogika instituti rektori A.Xasanov, Ilmiy ishlar va innovatsiyalar bo‘yicha prorektor Sh.Kuldasheva va Xalqaro hamkorlik bo‘limi boshlig‘i U.Eshmuratovlar Novosibirsk davlat texnika universitetida bo‘lib, universitet rektori A.Batayev bilan uchrashuv o‘tkazishdi.
Uchrashuvda ikki oliygoh o‘rtasida ilmiy salohiyatni oshirishga qaratilgan qo‘shma loyihalar tuzish, akademik mobillikni yo‘lga qo‘yish, yosh o‘qituvchilarni malaka oshirishga yuborish hamda Termiz davlat pedagogika institutida Novosibirsk davlat texnika universiteti "Ta’lim markazi" ni ochish masalalari muhokama qilinib, kelgusida hamkorlik qilishga kelishib olindi.