OTM professor-o'qituvchilari tomonidan maktablarga metodik yordam ko'rsatish bo'yicha qarorlar.

Bugun,  Oltinsoy tumanida qurib bitkazilgan 48-sonli maktabda viloyat hokimining Yoshlar siyosati, ijtimoiy rivojlantirish va ma'naviy-ma'rifiy ishlar bo'yicha o'rinbosari I.Safarov rahbarligida yig'ilish bo'lib o'tdi. Unda viloyatdagi oliy ta'lim muassalari rahbarlari va 200 dan ortiq professor-o'qituvchilar ishtirok etishdi. Yig'ilish davomida OTM larga biriktilgan maktablarda pedagog xodimlarning o'qitish metodikasini rivojlantirish, ta'lim sifatini oshirish borasida uslubiy yordamlar ko'rsatib, xalqaro fan olimpiadalari g'oliblarini tayyorlash g'oyalari ilgari surildi.

Uchrashuvdan so'ng, TerDPI mas'ullari o'zlariga biriktirilgan 5-sonli umumta'lim maktabida bo'lib, o'qituvchilar bilan tanishishdi va bundan keyingi qilinadigan ishlar xususida kelishib olishdi.