Rektor A.Xasanov Sho'rchi tumani yoshlari bilan uchrashuv o'tkazdi

Bugun, 29-aprel kuni Termiz davlat pedagogika instituti rektori A.Xasanov, Talaba-yoshlar orasida ijtimoiy-ma'naviy muhit barqarorligini ta'minlash bo'yicha rektor maslahatchisi O.Hakimov va boshqa ma'sullar bilan birgalikda Sho'rchi tumanida bo'lib "Yakkabog" hamda "Jarqishloq" mahallalarida istiqomat qiluvchi 31 nafar yoshlar bilan uchrashuv o'tkazdi.

Uchrashuv davomida rektor har bir yosh bilan individual ravishda suhbatlashib, ularning muammolari, takliflarini eshitdi.  Shuningdek, muloqot davomida uchrashuvdan maqsad, yoshlarning bandligini ta'minlash, kasb-hunarga o'rgatishga ko'maklashib, bo'sh vaqtlarini mazmunli tashkil etish ekanligini ta'kidladi. Yakunda, yoshlar uchun dasturxon yozildi va suhbat qizg'in davom etdi.