Mehnat yarmarkasi

Termiz davlat pedagogika institutida bitiruvchi kurs talabalarini ish bilan taʼminlash maqsadida Surxondaryo viloyati Kambag‘allikni qisqartirish va Bandlik bosh boshqarmasi, Maktabgacha va maktab ta’limi boshqarmasi hamda Termiz shahar, tumanlar bo‘limlari va hamkor tashkilotlar hamkorligida “Karyera kuni” ish o‘rinlar yarmarkasi tashkil etildi.

Yarmarkani dastlab, institut O‘quv ishlari bo‘yicha prorektori P.Tojiyev kirish so‘zi bilan ochib berdi va Prezidentimiz rahbarligida o‘tkazilgan videoselektor bayonining ijrosi yuzasidan oliygohda olib borilayotgan ishlar, ish beruvchilar bilan hamkorlik aloqalari, bitiruvchi kurs talabalarini ishga  joylashishga ko‘maklashish yuzasidan qilingan chora-tadbirlar haqida fikr-mulohaza bildi. 

Ma'lumot o'rnida, 2023/2024-o‘quv yilida institutni 1256 nafar talaba tamomlaydi va mazkur tashkil etilgan yarmarkada 268 nafar yoshlar ishlash istagini bildirib, Termiz shahri va tumanlar maktab, maktabgacha ta’lim muassasalari hamda boshqa  tashkilotlarga yo‘llanmalar olishdi.