Turkiyaning Erbakan universiteti professori talabalarimizga ma'ruza mashg'ulotlari olib bormoqda
Termiz davlat pedagogika institutida jahonning yetakchi ilmiy-ta'lim muassasalari bilan yaqin hamkorlik aloqalarini o'rnatish, professor-o'qituvchilarni qayta qayyorlash, oliygohlar o'rtasida akademik mobillikni rivojlantirish maqsadida bir qancha samarali ishlar amalga oshirib kelinmoqda. Doimiy tarzda xorijlik professor-oqituvchilar tomonidan institutning professor-o'qituvchilari va talabalari uchun onlayn va oflayn dars mashg'ulotlari olib borilmoqda.
Xususan, kuni kecha Turkiyaning Erbakan universiteti Jismoniy tarbiya va sport fakulteti dekani, jismoniy madaniyat bo'yicha fan doktori, professor Mursel Bicer institutimiz Jismoniy madaniyat yo'nalishi 3-bosqich talabalariga "Sport mahoratini oshirish" fanidan masofaviy ma'ruza mashg'ulotlari o'tishni boshladi.